Le maire de Collo prive Belkehla (l'exclu) de son salaire !
و...يسقط الـقـنـاع
حوار على عجل مع الأمبرطور جــو.
بدون نظرات
عندما رأيت في المنام عمي الضيف ــ المولود بلكحلة ـ عريان عائدا من وسط الأمواج ..
الكل على موقعنا قرأ الموضوع بطريقة تجمع بين الجد و الهزل . و عندما دكرت بضرورة البحث عن مرجعية مختصة في الرؤية, رد البعص في المقاهي أن ماكتب يدخل في إطار التسلية و ليس له علاقة بالواقع وجو الأمبرطوررجل خير. نعم هدا الكلام ممكن ان يكون صحيح و ممكن أن يكون خطأ....و لكن ما حدت لعمي الضيف مع جو مؤخرا يدعوكم جميعا للتعرف عن حقيقة هدا الرجل رقم 1 و الدي نصب من طرف القلية لقيادة البلاد و العباد. لأنه براني عايش بعيد و يده طويلة تجيب الخير و المشاريع للمدينة من العاصمة و حتى من دول المسيح و الحمد لله أن المساعدات لم تصل القل إلا من الأموال العمومية
و التي أهدرت و صرفت في شارع واجهة البحر بدون رقيب و حسيب كما صرفت على شاليات أحباب جو فكل واحد أخد نصيبه من السارجان إلى الكابران و حتى الحاج مسعود أعطاوه شالي غيرمهيأ باش ما يقلقهمش إلا عمي الضيف ـ المولود بلكحلة ــ خارجين من وراه ندبولوا ..
الحقيقة كل الحقيقة
إبتداءا من جوان تم توقيف الراتب الشهري لعمي الضيف الدي بالفعل تفاجأ لقرار مجلس الأمبرطورجو
و حتى نحن كمواطنين لم نصدق الخبر إلا بعد أن شاع ....و أنتشر في القل و أنا أرتجف شايا عندا الحاج أحميدة مستشارالأمبرطورية .. قلت في نفسي لقد صدقت رؤيتي فهاهو عمي الضيف ـ المولود بلكحلة ـ عاريا ماديا بدون مصروف و نحن في أعـز موسم الأعراس و رمضان على الأبواب ثم الدخول الإجتماعي و إنعكاساته المادية .تركت المكان أخدت الشاي ونزلت أتأمل الأمواج الهادءة لعل البحر يرمي بصورتساعدني على قراءة مستقبل الأمبرطورية . و رحت أسأل الموج عن جو فبمجرد أن طرحت السؤال الأول أختفت أمواج البحر وظهر جو راكبا كبشا بخمسة قرون ،ثلاثة اصحاح و زوج مسوسين أرتبكت قليلا تم تشجعت و قلت في منام ربي مادا تفعل هنا
جــــــــو : أنا في مهمة لمراقبة الناس و السهر على أوضاعهم الإجتماعية لقد كلفوني بتجويع البشر و تفقيرهم و مقضاتهم في المحاكم و أدخالهم السجون حتى تصبح عندي مكانة محترمة .
بدون نظرات : إدن ماحدث لعمي الضيف ـ المولود بلكحلة ـ يدخل في هدا الإطار .
جــــــــو : أفهم كيما تحب و لكن ما هده إلا البداية . و عمك الضيف كيما اتقول حب يلعب بيا ألعبت به و نفس الخطة أنطبقها مع القلية اللي يحبوا يفهمو أوزيد ماعندهم مايديرو أنا خمس سنين أو دور داري مازالت فالدزاير ......
بدون نظرات : كي عادت دارك فالدزاير و علاش مادمسيونيش و يتهنى الفرطاس من حكان الراس .
جـو ينزل من فوق الكبش يقترب مني يجلس و ينظر مع فنجان الشاي .
جـــــــو : كاش كمية باش نقدروا نكملوا السهرة ، يمد يده يشرب قليل من الشاي ماعليهش بارد
و لكن كون جاء روج يكون أحلى . شوف فكرة دمسيوني نحيها من بالك على خاطر المهمة مازالت مابداتش ....
بدون نظرات : و هل نقدر نعرف نوع هده المهمة واقتاش تبدأ و من كلفك بتنفيدها .
جــــــــو : هده أمور عائلية ، كلفني بها عمي صالح الدي أنفق الكثير من المال بالأورو و الدينارمن أجل وصولي إلى عرش الأمبرطورية ..
بدون نظرات : أشرب الشاي يا أمبرطور و أحكي السهرة طويلة ، أهنا خير ملي تروح تريح فالثروطوار وسط الغبار و تجبد المنشارمع ناس كبار .
جـــــو : واش تحكي ، القل فالتاريخ غلطة و أنا جيت القل غلطة و راني نخدم غلطة ...
بدون نظرات : حبس ماتقولش بلي أحنا تاني فوطينا عليك غلطة ...و أنت راك ساهر معاي غلطة
جــــو : هيه غلطة ،،،،و الناس يمنوا بالإنسان اللي يقدر ايغلطهم هده هي السياسة مودارن .
بدون نظرات : و لكن مابنية على باطل فهو باطل
جـــــــو : مايدوخك حتى واحد السياسة فيها الكدب و النفاق وتعقاب الوقت .. كيما أنا درك قريب عامين أمضات ،، صح الناس راهم يحكو أمبصح ماعندهم مايديرو ....
بدون نظرات : لكن يا أمبرطور الحكايات أنتاع الناس بدات تتوسع و تقلقوا خاصة لما سمعوا بلي وقفت أسلاك أنتاع عمي الضيف ـ المولود بلكحلة ـ
جـــــــــو : كان أتحب أنكملوا السهرة ..ماتحكيليش على المولود ... ضابور شوف المولود أنا اللي جبتوا البلدية عفوا للأمبرطورية ، قلت ناس ملاح علبالك بلي يدخل إلى داري فالدزاير و أنا تاني ندخل إلى دارو .... مسكين و الله ماعندوا دار راه عايش في أزمة سكن و لكن مافهمتش واش وصلني إلى هده الحالة ....يشرب كمية شاي يتنهد و يواصل ..
عمري ماخممت بلي الحكاية مع صاحبي المولود توصل إلى هده الدرجة من التعفن والقلق و لكن هو تاني أعطاني فرصة أو دخلني في صراع مع ضميري ...
بدون نظرات : و لكن مايوصلش القلق إلى درجة أنك تقطع الخبزة أنتاع الرجل اللي عاونك بزاف بزاف باش الناس فالقل اتعود تعرفك ......لازم تستعرف
جـــــــو : أنت دخت و لا رايح ادوخ ....المولود أنتاعك كون جات عندوا المعرفة مع الناس أو هو اللي خرجني فالفوط .... علاش نهار حبستوا ماجاوش هدا الناس يستفسروا و أعلاش أنهارحبستلوا اشهرية ماتحركوش إدن إشاعة و القلية يهدروا فالقهاوي أوعادو يكتبوا فالأنتارنات ....
بدون نظرات : ماعليهش القلية يهدروا و أنت واحد منهم .....لازم أتخمم بلي عمي الضيف عندوا عائلة
جــــــــو : هو اللي وصل روحو حب يدير المشاكل دار بأصحاب الشعر و البالو أو زاد دور به الدرية و الجمعيات ، الرجل حب يجبد بيا الزربية ... أو ماعلبالوش بلي عندي القواديـن بزاف ..بزاف سالكين من عند عمي صالح..
بدون نظرات : ولكن أنت ياامبرطور راك مسؤل مالزمش تسمع للناس كنت أتخمم فالملح اللي بناتكم واش رايح تربح مالهرج هدا، الناس راهي تضحك عليكم و على الحزب أنتاع الدكثور سعدي .
جــــــــو : هدا كلام قديم أنا المهمة أنتاعي رقم 1 لازم المولود يتفاصى باش يعود يعرف واش أنهوا الامبرطور جو .
بدون نظرات : على بالك واش راه يقول عمي الضيف
جــــــــو : واش قال واش قال من هو اللي قالك
بدون نظرات : أو يقول يوم أول رمضان أنخرجلوا الناس إلى قدام البلدية بعد صلاة التراويح
جــــــــو :هده حاجة مليحة كثر خيرك فكرتني .....لازم أنشوف عمي صالح ايعوني في قفة رمضان و أحباب المولود نقلبهم في صفي لازم أكل نعطيهم الصداقة و قفة رمضان و نسجلهم في تشغيل الشباب
بدون نظرات : الناس فاقت بيك يا أمبرطوربلي راك تخدم وحدك و مع زوج أختك ربي يهديك فيق مع عقلك الله يهديك
جـــــــو : الله يهديني هديك بيني بينو ...على خاطر كون جاء يعرف جو مليح ما يدصرنيش أنا واحد جاء فالطريفي فالدزاير نحيتلوا الخبزة أنتاع أولادو ....هي ابقى على خير.
جو اركب الكبش و أمشى وزوج قرون امسوسين طاحو ، واحد مهري و الثاني فيه ريحة كريهة .. الكبش اتعتر و جوسقط غارقا وسط زبالة كبيرة تقدر تقول بلايعة امعمرة بالخماج و الزبل يالطيف منامة بدات مليحة و اخلصت قبيخة أفطنت على صوت أدان الفجرالشاي مازال فالفنجان الله يستر ياربي أوخرجها الخير.......مايفكها غير الشيخ لعريط....... ترقبوا شرخ المنامة في العدد المقبل ....