Mouloud belkahla nous ouvre son coeur et revient sur son calvaire vecu à la mairie de Collo

حوار على عجل و في الحلم مع عمي الضيف ـ مولود بلكحلة ـ

رئيس اللجنة الثقافية لبلدية القل سابقا و لاحقا

مولود يعود لأول مرة إلى مهزلة الإمبراطورية و يروي على عجل لفريق الوجه الآخر مأساة مدينة حكم عليها بالجمود و الموت البطيء من طرف هواة القرار و ساسة السياسة. مولود مازال يحتفظ بذكريات المسرحية. مولود مازال يحتفظ بإبتسامته و نيته المعهودتين. إليكم هذا الحوار و ما عليكم إلا فهم مقصود الكلمات و معاني ما بين الأسطر

بدون نظرات

  

---

كنت جالسا مع البولفار أتأمل البحر و زبائنه من البرانيات والملاحظات تمر أمام مخيلاتي كأموج البحر ..
الموجة الأولى..

كارلاج غير منظم و بالوعات بدون أغطية  و برارك من قصب و حديد على الرملة .

 مسيرة من طرف شبان من فئة المعاقين....

حاولت أن أجد إجابات لهده التناقضات فسلمت ظهري إلى عمود كهرابئي و رحت أسأل عمي الضيف العائد من وسط الأمواج عاريا ....تفاجأت و في خاطري كنت أقول مادا؟ أصاب الرجل المثالي بالأمس كان معلما ، مربيا للأجيال ...فهل السياسة فعلت فعلتها و أصبح الرجل في خبر كان .....تشجعت و زحفت قليلا نحوه  .

و سألته بإحتشام... مادا ؟ أصابك ياعمي الضيف ....

عمي الضيف : نورمال..هما اللي قالولي دير هاك ....روح عوم و سلك على برارك ...

 بدون نظرات :و لكن أنت ياعمي الضيف رجل محترم أنتاع ثقافة و نشاط و شداك الخدمة أنتاع لمهابل .....

عمي الضيف : الثقافة ادوخ أحنا درنا برنامج العام اللي فات و اهدرنا هدرة فالإداعة دوخت دوار كامل ياصاحبي ..

 بدون نظرات : واش من دوار ياعمي الضيف .......

عمي الضيف: يعني أنت ماعلبالكش ....جاي اتوقت مع رجل كبير عليك

 بدون نظرات : سبحان الله أنا ياعمي الضيف فوطيت عليك على هده نهدر معاك ، الأخرين ماعندي شغلة معاهم

عمي الضيف: و لكن الأخرين هما الأغلبية ... تعم هما اللي يحكمو من وقت الشانبيط ماطيرة

 بدون نظرات : اشكون  ماطيرة باعمي الضيف  ......

عمي الضيف: الشانبيط أنتاع فرنسا في وقت الإستعمار الفرنسي  .

بدون نظرات : ياعمي الضيف  اليوم راك تهدر بالرموز ، أنا حاب نعرف الحقيقة

عمي الضيف : الحقيقة يابني مرة و مايقبلوهاش .. لم طلبت الصلاحيات من رئيس البلدية ـ جو ـ اتقلق ودار حالة لم علي الجماعة و فالهم هدا طامع  فالمنصب أنتاعي

بدون نظرات : بالشوية ياعمي الضيف أو قريب نفهم عليك .من هم الأخرين و من هم الجماعة

عمي الضبف: الأخرين هما الجماعة و الجماعة هما الأخرين ....

بدون نظرات : أوه درك زادت تعقدت أكثر .....

عمي الضيف: القضية أنتاعي ولات قضية كبيرة ، طويلة و معقدة  وحدي مانقدرش أنحارب ..دزوني و جبدوا عليا

بدون نظرات : سمي ياعمي الضيف ماتخافش الناس العاقلين مازالوا معاك ،

عمي الضيف: واش تسمي دوار و أحزاب متحالف على راس عبد أنا الضحية و أنا الجلاد

بدون نظرات :ياعمي الضيف أنت خيرت هدا الحزب و لا الحزب الدي خيرك ،

عمي الضبف : أنا دارو  بيا طريق ، استعملوني و أستعملوا النية أنتاعي ، كنت أنقول في خاطري جات فرصة أنغيروا وجه المدينة و أنحو الغبينة على أهل المدينة و لكن كان العكس ..

محلات تفرقت و أنا ماعلاباليش

خدموا الناس و أنا ماعلباليش

 صدقوا في رمضان و أنا ماعلباليش 

بدون نظرات : ياعمي الضبف , قبل مانتفارقوا ماهي الحاجة اللي قلقتك هدا الأيام

عمي الضيف : كي نتفكر النهار اللي دخلت فيه مع هدا الطايفة

بدون نظرات : ياعمي الضيف .. والحاجة اللي فرحتك

عمي الضيف : النهار حكموا عليا فالدوزيام بيرلاوا  وقالوا المولود طفل مايخدش الراي و الحمدالله ماخديتش راي المعوجين الله لاتربحهم

بدون نظرات : وعلاه ياعمي الضيف راك عريان ..... بسم الله الرحمان الرحيم ،،،ارقدت فالنهار أو فالبولفار ياخي منامة فالنهار

 واش جاب المولود بلكحلة في طريقي    ...ياربي أوخرجها إلى الخير  

....ابقاو على خير أنا درك انروح إلى عند الشيخ لعريط ايفسرلي لمنامة

   كل واحد تايه أيخمم كيفاش يأكل راس صاحبوا ، حتى عمي بن نيقوس دخلوه فاللعبة